今日是梁漢文（Edmond）同太太結婚十周年紀念日，Edmond特別搵了一張同太太第一張合照post上網，原來二人在92年4月6日認識，當日更加影相留念，觀乎二人衣着打扮都幾相似，都是白色上身配牛仔褲。
二人在98年才正式拍拖，到08年正式結婚，二人相處整整二十年，Edmond慨嘆時間過得好快並說：「呢20年我哋領略過唔同滋味，有喜亦有悲。」開心時二人就會盡情慶祝，遇上不開心事，例如Edmond要面對事業低潮期，Karen患上乳癌等，兩公婆會互相扶持，共同度過，最後Edmond希望太太以後健康快樂，之後不少人夫藝人如張繼聰、李克勤等亦送上祝福。
部分圖片來源：梁漢文@Instagram