鄭秀文（Sammi）一向熱愛做運動，鍾意做到爆晒汗嘅感覺。尋日Sammi喺Instagram上載短片，見佢一面愁容咁慢慢行出升降機，雙手仲撐住拐杖，原來醫生診斷Sammi筋腱發炎，所以膝頭哥暫時唔能夠發力。
Sammi無奈留言：「今天忽然右膝蓋不能發力，完全軟下來（跌下來）數次，剛剛看了醫生，醫生診斷是筋（跟）腱發炎，所以膝蓋短暫不能受力不能發力，要休息數天，不能做有關腳步運動，也只好乖乖聽話，急不來的境況 。」佢話：「不能跑步好難受，不能流汗就彷佛不能呼吸。」又叫大家為佢祈禱，唔少網民都留言希望Sammi好好休息， 祝佢早日康復。
圖片來源：鄭秀文@Instagram