蘇永康(阿公)今年六月將於於紅館舉行兩場個人演唱會，相隔八年再開，他特意找來好友黃子華自編自導自演，拍攝演唱會宣傳短片，今次能夠邀得好友出手，阿公說：「初一時我帶阿仔同佢拜年，大家傾開，我話我想拍條片放上社交網站宣傳，他就即刻兩秒鐘度好條橋俾我，之後我話我唔識搞，佢就拍心口話幫我搞埋，真係好唔話得！非常之多謝佢。條片佢飾演契爺角色，在我演唱會期間會一力承擔湊仔服務。呢個契爺真係唔話得，唔好話我個囝，連我自己都未見過咁大個富格林金幣，佢就送俾阿囝上契，金幣之外，仲有成日送好多玩具。 阿囝就快兩歲，開始識得認人，佢唔係咁鐘意男人，見到我班朋友都喊，但係契爺例外喎，佢好鐘意同契爺玩。」
問到阿公，假如子華神真係肯在演唱會期間代佢湊仔，佢放唔放心俾個囝佢湊？阿公話: 「放心，我驚我個囝玩謝個契爺多D。」
至於問到子華會否擔任演唱會嘉賓，子華說，「我已經發了誓不會做任何人演唱會嘉賓。我現在喜歡拍嘢，我講真。(咁如果第日阿契仔JAZZ開演唱會呢？) 等佢大個真係唱歌先講啦！」
