林文龍同郭可盈於2004年結婚，2010年二人誕下囡囡林天若（津津），可盈為咗家庭逐漸淡出演藝工作，專心相夫教女，而佢不時都會喺社交網分享與家人嘅溫馨點滴。
噚晚，可盈貼出玫瑰花相片，並甜蜜留言：「一個『不懂浪漫的男人』今天令我倍感浪漫！謝謝女兒為我們送上暖暖的祝福！15th Wedding Anniversary」
原來噚日係佢同老公結婚15周年紀念，林文龍為咗博愛妻歡心，特別送佢一大紮玫瑰花，冧爆太太！囡囡津津亦親手繪畫賀卡，貼心寫上「Enjoy your day with your lover」，認真鬼馬。
網民都留言祝福二人結婚周年快樂，又大讚林文龍非常重視家庭，係個可靠嘅男人。
圖片來源：郭可盈@Instagram