陳山聰近日與姚子羚、王君馨、陳展鵬、伍允龍等拍攝無綫重頭劇《唐人街》，眾人為演好武打角色，閒時都會爭取時間操Fit身體。而一向熱衷運動嘅山聰，除咗密密健身外，近日更跟隨馬德鐘茹素，務求達到最佳狀態。
早前，山聰於Instagram分享一條健身片段，並留言：「連棘為保護『唐人街』，繼續加油！」見山聰奮力做出十幾下引體上升，一身肌肉非常發達；今日（26日）山聰又上載健身影片，佢表示：「事緣上星期Post咗個拉背視頻，有條「卡啦蘇」話我揸流攤，搵教練用橡筋幫手。貢我今日就俾你知道咩叫拉背。」
山聰不滿有人話佢造假，於是再Post片騷出真實力。粉絲都力撐山聰，「堅到爆炸」、「型！吾洗理人點睇，練到係自己的。」
圖片來源：陳山聰、姚子羚@Instagram