4月14日係今年香港電影金像獎頒獎典禮，仲係獎門人曾志偉嘅66歲生日，日前志偉一班圈中好友錢國偉（Wilson）、衛詩（Jill）、陳樂基（Rocky）、鍾鎮濤、方力申、蘇永康、佘詩曼、鍾麗淇、湯盈盈等人也出席了四月之星的生日派對，為各位壽星仔女慶生。
問到一身和服打扮嘅志偉今晚係第幾個生日派對，佢笑住答今晚係第一個生日派對，見到呢晚有咁多年輕歌手唱歌俾佢聽，令佢覺得好開心，而佢最後都忍唔住拎起支mic唱咗首《你把我灌醉》添。睇見相入面有咁多酒杯清得七七八八，相信出名逢飲必醉嘅志偉今晚都飲咗唔少，但飯局接近尾聲之際，佢仍然幾清醒同大家一齊合照，睇嚟真係冇飲醉，「今次計人頭費，所以酒可以任飲，而家時間仲好早，唔想咁快俾人抬出去，想聽多啲歌先。」
