陳豪與陳茵媺（Aimee）育有兩子一女，一家五口幸福滿溢！不過陳豪近日就要同家人暫別一段時間喇，皆因暑假一到，「超級媽媽」Aimee就會同三個仔女返加拿大探公公婆婆，而陳豪就負責留喺香港努力工作。
Aimee喺Instagram寫道：「Our summer adventures begin! （我們的暑假旅程開始了！）」佢花足心思將老公送機以及同仔女坐飛機嘅過程製成短片。
片中見陳豪表現得依依不捨，同三個寶貝Good Bye Kiss。
網民們都大讚Aimee教子有方，因為三個小朋友會拎返自己嘅行李箱，完全唔需要媽咪擔心。而出名「貼地」的Aimee就選擇為仔女坐經濟艙，雖然16個小時嘅機程好漫長，但三個小朋友都無嗌悶，兩個囝囝仲安靜欣賞卡通片，囡囡就靠喺Aimee身上休息，非常乖巧！
圖片來源：陳茵媺@Instagram