65歲韓馬利（Mary姐）上月在社交網透露患腦膜炎，她表示現正慢慢康復中：「經過兩星期同死神搏鬥，感謝天父的保守我今天終於可以出院了，但因身體仍十分虛弱故未能一一回覆各位的問候，我只有祝大家身體健康，珍惜生命和感恩過每一天。」Mary姐在休養期間，老公杜燕歌全心全意照顧愛妻，讓Mary姐十分感動。
Mary姐早前上載一張人參相，她留言：「多謝老公的悉心照顧，一日三餐親手烹調外還有燉湯，我真是因禍得福了，謝謝你好老公。」
Mary姐昨日（23日）在Facebook更新近況，她分享拼圖和大話骰等照片，並寫道︰「醫生話我進度太慢必需多做運動和用腦，老公就立刻買象棋、大話骰和Puzzle同我玩，佢話最好打牌，但要湊腳和我太水皮應該難啲了。不過我也很感激他的細心，這個月他夠辛苦了，我的一切都由他照顧，冇咗佢我都唔知點算，多謝你，你千祈唔好病，我照顧唔到你㗎，有你照顧我會很快便會好起來的，大家努力﹗」
其後，Mary姐又貼出家中茶具和小盆栽的照片，留言︰「老公話叫我跟佢學吓茶道，對身心有好處，又買了幾盆花仔回來，叫我好好照料它們等我有啲寄託唔好成日瞓喎，咁好啦，我們大家都要健康成長﹗」
圖片來源：韓馬利@Instagram