c君（鄭詩君）與拍拖5年的港台DJ黃天頤，將於本月13日拉埋天窗，二人早前飛咗去日本富士山河口湖拍攝婚照，呢輯靚相今日終於見街喇！
一般新人通常會預早半年時間去影婚照，但唔知C君係咪因為工作太忙，竟然要喺大喜日子前嘅個三星期先出發。C君：「我之前上網睇啲KOL啲相，見到影紅葉好鬼靚，於是一心想影輯滿佈紅葉嘅婚紗照囉，可惜事與願違。十月尾去搵婚攝公司時，職員話十月尾冇紅葉要到十一月中先開始有啲，咪搞到成件事咁遲囉。」
據知一對準新人今次用咗大半日就完成拍攝，而 C君就話今次行程比起同Do姐拍旅遊節目的call time 更早，當日6點便要完成妝頭出發，即是04便要起床。對於婚照，二人非常滿意，整個過程中最考起他們是要深情對望，「因為要喺第三者面前做親密舉動，真係尷尬到不得了，加上一望就忍唔到笑。從來無自己比錢影相，只有收錢影相，比錢影相仲要受人命令。」
