朱晨麗（朱朱）與楊千嬅、陳煒在劇集《多功能老婆》中飾演三位感情要好的姊妹，現實中她們戲假情真，變成了好朋友。朱朱回憶拍劇時的趣事，她表示最難忘的是拍攝三位閨密的一場牀上戲，朱朱坦言：「床上戲主要係講我哋三姊妹攤喺牀上討論下美容，又講下八卦嘢，又傾下心事，呢場戲好好玩，拍得好開心好舒服，我哋笑到要NG，次次都係忍不住笑所以NG。」
朱朱表示拍攝《多功能老婆》時感到很開心，現時大家私底下仍會保持聯絡，「我哋三個變咗好朋友，千嬅會喺蘇州開演唱會，她邀請我同家人去欣賞，希望可以再一次親身去欣賞千嬅表演，學習她在舞台上的經驗。」
除了牀戲，朱朱謂還有一場戲令她感到傷心難過，「嗰場戲講我地三個要分開，姐妹之間難免有鬧交情況出現，我夾在中間，點樣去取捨，令到我好難忘，及真係好痛，個心好痛，因為拍時真係當咗佢地兩個係姐姐，當然戲裡面係閨蜜，當妳好投入時真係感受到嗰種痛，好唔捨得，而且拍呢場戲差不多到煞科，所以更加唔捨得，更加痛心，呢場戲好難忘。」
朱朱更稱讚千嬅演技好，指對方是劇組的開心果，「無論千嬅喺出面幾多嘢做，又要做巡迴演唱會，又要拍電影，無論幾辛苦都好，她返到劇組都依然係一個好正能量的太陽女神，她的精神好值得我去學習，她的毅力非凡。人會熄機會累，但她都會帶返正能量畀大家，真係要學下，好欣賞她呢種精神。」
