施明接受苑瓊丹主持的香港開電視節目《開工大吉77》訪問，施明要照顧孫仔，所以防疫措施都做到足，除了整個拍攝過程均佩戴口罩，與苑仔又以「碰手踭」方式代替握手，她表示做足防疫不止對自己負責，也對孫仔與兒子、媳婦交代，非常盡責。施明離開幕前多年，仍有戲癮，心癢癢想復出，又憶述當年姨丈黃霑建議她不要讀書，向演藝發展，但不願意介紹入行，「佢一口拒絕話邊有自己人帶親戚入行，叫我考訓練班。不過讀緊訓練班時，有個導演睇中邀請我拍戲，所以一入行就拍電影。」
施明與李家鼎因工作結緣，因為她年少無知，不太懂人情世故，時常被人欺負，幸得鼎爺多次出面擺平；當年，施明與李家鼎婚姻破裂，她突然消失幕前，陪兒子李泳豪、李泳漢往美國讀書，但人在異鄉又無依靠，最後竟致電胡金銓導演求助，「其實我同佢都唔熟，當年佢話我嗰樣唔適合拍戲，所以無合作過！但人生路不熟，唯有求吓人啦，之後佢話叫我住幾日酒店，因為佢要返台灣做身體檢查，返嚟介紹我開工。點知等咗成個月都無聲氣，最終帶埋兩個仔出唐人街行吓，撞到另一個導演，見到華人真係好開心，佢話我知原來胡金銓死咗，我成個月都無買報紙，乜都唔知！」施明為了讓兒子有個良好的讀書環境，在美國繼續演藝之路，試鏡爭角色拍廣告、電影配音賺錢，加上鼎爺的補貼維持生活。
施明與鼎爺分開多年，苑仔問她可有想過復合，她說：「我都唔知點答，有無諗過都答唔到，至於佢有無明示暗示，我唔知㗎！我份人糊糊塗咁，有時講到白都聽唔清楚㗎，我唔係詐癲扮傻，一向都係傻傻哋。」至於能夠再見亦是朋友，她自言做不了，但他是兒子的爸爸，所以只得親人關係。
