「試當真」成員陳苡臻（Jessica）早前發生交通意外致面部左邊三處骨折，之後一直潛水，冇再更新情況。至昨晚終於上水講述覆診後情况，又透露受傷後的心情，並預告即將復工。
陳苡臻話一直好期待再次上水同大家見面，可以大大聲咁講：「康復進度十分良好，大家唔使擔心！」所以本來想等到覆診之後，情況穩定先正式回歸，繼續同大家分享活日常，但覆診結果出現變數，令佢內心崩潰。
陳苡臻坦言對於大家嘅關心感到壓力，「常有人問我：『好番未？』明白大家都是出自關心，但對我來說，或多或少是一種無形的壓力。」因為佢知道受傷位置，冇可能百分百恢復到意外前嘅狀態，而且該場交逍意外影響咗神經線，所以可唔可以完全康復仍然係未知之數。
Jessica續說，「作為一個『靠樣搵食』的幕前人員，我傷了所謂的『搵食工具』」，因為受傷而失去工作機會、意外後嘅陰影等，佢安慰自己呢次意外係上天對佢嘅考驗，冇表面傷痕亦係不幸中嘅大幸。但作為有血有肉嘅人，總會有脆弱嘅時候，所以選擇潛水。但Jessica知道一直潛水係解決唔到問題，所以休養過後會逐漸復工，最後感謝各位嘅等待，希望大家都身體安康。
圖片來源：陳苡臻＠Instagram
