黃德斌﹑呂爵安（Edan）﹑盧瀚霆（Anson Lo）、簡慕華等合演嘅港版《大叔的愛》昨晚播出第一集，MIRROR成員呂爵安（Edan）飾演地產公司職員阿田（田一雄），他在劇中完全拋開偶像包袱，喜感十足，豐富嘅表情令人忍唔住笑，連監製盧思麟都大讚Edan有周星馳特質。
點擊即睇Edan精選表情：
Edan一直係MIRROR入面最冇偶像包袱嘅一個，不時都會係Instagram share搞笑造型，又唔介意係MV擺騎呢甫士同表情，表情多多嘅Edan更引起觀眾Cap圖熱潮，有唔少網民將Edan係劇入面嘅反應整成meme。
港版《大叔的愛》第一集劇情講述從事地產嘅阿田業職未如理想，但上司KK好包容，KK仲係摩天輪向佢表白。而盧瀚霆（Anson Lo）飾演嘅暖男阿牧（凌少牧），係劇入面「出得廳堂，入得廚房」，仲憑住識煮飯而俾阿田邀請「同居」，呢集片尾播出NG片段，更令觀眾由頭笑到尾，唔知收視會唔會勁過《男排女將》呢？
圖片來源：ViuTV、盧瀚霆、呂爵安＠Instagram
