周潤發獲浸會大學頒授「榮譽人文學博士」後，聯同電影《無雙》導演莊文強與200位浸大學生分享演員心得。發哥每次收到劇本都會分析每一場戲，「好似《無雙》角色係虛，但我要做到實，要呃到觀眾，要點做到真？我會係劇本做Mark，記得大學拍嘅一場，要到第二、三個Take至捉到導演感覺，有時對白寫同講唔一樣，要化成角色口吻，所以每場我都重新寫對白、再做一次俾導演睇，要做好足準備，電影關乎到我前途、收入，好緊要，仲關乎到香港電影，支持香港電影係要俾啲心機。」
發哥認為演員若遇到不好的劇本，也要放下身段，以謙虛態度協助導演，因為演員的職責是希望導演成功，演員是去服務個角色，要感動到觀眾，他說：「演員遇到溝通唔到嘅導演、唔太理想嘅劇本，演員唔好理太多嘢，只需要做好個角色，宜家演員太多顧忌、想做到咁做到咁、外國好多演員係經過訓練，做戲做到好自然，做戲好簡單，我好欣賞吳孟達，你覺佢演出好誇張、但依個就係佢嘅角色。」
發哥在完成分享後，以招牌式自拍與學生大合照，又主動關心學生開心與否，更承諾將來有空閒便再回大學分享。
