人氣男團MIRROR成員姜濤今日（7日）以健康教育大使身份出席西九出席《預防HPV No Regrets微電影》活動，宣傳由他演出的微電影。他笑說拍攝當日始發現微電影導演是「波友」，「見到佢好驚訝，呢個成日喺維園同我打波嘅阿叔原來係導演，之後再同佢打波，我就禮讓咗好多，以前打波比較狠。」
提到他23歲生日當晚快閃突襲，姜濤稱原以為夜晚接近11點人流不多，我近視離遠睇唔到仲有咁多人，我一落車想返去已經太遲。」問到他會否擔心出現危險，姜濤表示事後都檢討過，「下次要再睇清楚啲情況，小心啲，避免有呢啲情況。」而姜媽當日也在銅鑼灣打卡，姜濤表示並不鼓勵她到人流密集的地方，「你哋叫佢奶奶，其實我唔鼓勵佢去，始終年紀偏大，太多人聚集唔係幾好，但佢作為阿媽開心梗係想去，我叫佢下次唔好去太多人嘅地方。」
近日MIRROR演唱會門票被炒到44萬元，姜濤稱太誇張：「應該冇人買，大家唔好買，我哋應該會喺呢行做好耐，之後會開好多次演唱會，大家唔好因為一場而損失咁多錢。我哋都想加場，喺紅館開當然愈多愈好，大家唔好為一場半場而損失幾十萬，我擔當唔起。」他又說若加場智擔心體力不足，「我哋都有討論過，但因為係紅館，冇論幾攰，熱情都可以蓋過，而且我哋有開過6場個唱經驗，所以都可以。」
陶傑及蕭若元早前因為MIRROR隔空交鋒，姜濤坦言未有資格去評論別人對他們任何的評論，「始終我哋好多地方未做得好，希望提升實力，比更多人認同，係有進步空間，唔會因為咁而影響自己。我哋會努力將呢股『虛火』變成大家認同嘅實火，呢個係我哋喺呢行嘅動力。」
