今年58歲的珍妹李麗珍，早兩日於社交平台貼出新相，穿上低胸晚裝大曬白滑靚腿，寫下「有恒心就有好成績，我要繼續keep住」，引來個個留言都大讚她狀態超好，女神封號當之無愧。
早年曾一度有「肥珍」之稱的珍妹，體重高峰期超過120磅，不過已經減肥成功，去年生日曬出與囡囡許倚榕的慶生照時，狀態大回勇，而近日這輯低胸美腿照，原來是珍妹為一個保健產品拍攝的廣告相，據知製作團隊構思拍攝時，想到31年前（93年）珍妹曾推出經典的寫真集，當年曾瘋魔一眾宅男，於是趁機會創造另一個經典，在拍攝廣告現場期間，齊齊起哄希望珍妹可以復刻當年寫真集封面的甫士。
眼見修身有成，珍妹爽快一口答應，更加搞笑說：「當年我就真係卜卜脆，依家我都係卜卜脆……不過係啲骨頭！泳衣就欠奉喇，好啦，俾對腳你睇下啦！」多謝珍妹，效果完全不輸當年呀！女神果然係勁！承佢貴言「要繼續keep住」！
