梁詠琪（Gigi）一連三場紅館演唱會昨天（19日）完滿結束，不少圈中人連日來都有到場支持！商台DJ梁文禮都有到場，更在IG限時動態中，大讚Gigi在台上好靚，不過轉個頭他又在私人Facebook中大罵她的演唱會「個flow差﹑歌編得差﹑舞差」、「其實都預咗，但係無諗過咁離譜！」
消息曝光後，梁文禮立即被網民狠批是「雙面人」，表示他明讚暗踩，紛紛湧到他的IG洗版留言：「真係好心寒，人前人後兩個樣」、「Gigi依個演唱會真心唔差囉！」
到了今天（20日），梁文禮返商台開咪時，親自公開解釋事件，兼且表示已寫千字文向Gigi道歉。梁文禮解釋表示可能是座位的緣故影響了當日的觀感：「我想對團隊，對梁詠琪講句唔好意思，第一日睇完好肉緊喺自己平台寫咗應該點做，有少少意見，之後傳媒話狠批。一個演唱會有好多面向，觀眾有自己選取。如果之後演唱會會出DVD我都想睇多次，我接收好多樂迷說話，問係咪睇唔到啲乜，可能我座位角度有啲嘢睇唔到，想欣賞多次。」
隨後他又坦言已經向Gigi親自解釋兼道歉：「我冇佢聯絡電話，透過雲妮send咗好大段文字道歉，我有話點解咁肉緊講，內容唔諗住公開。我想話由佢過去四次紅館演唱會，甚至做許冠傑演唱會，佢出唱片、派台歌我都有細心聽，我唔係作為outsider或所謂主持去狠批，我係一路好鍾意佢啲歌，啲歌陪伴我生活、經歷，同埋面對種種問題，肉緊聽先會有回應，其實向梁詠琪示愛，好支持佢，希望之後可以見面，唔係樹敵，歡迎佢之後上嚟我哋節目傾偈見面。」
相片來源：梁文禮@Instagram
