修哥胡楓1月18號92歲生日，孫女Sabrina與Christine為他搞神秘生日會，在紅磡黃埔一間地中海餐廳，為壽星公送上驚喜派對，現場佈置了大人和小朋友都喜歡的遊戲，還有一些心意牌給大家與壽星公拍照，羅蘭姐、蝦頭、導演陳德森、伍仲衡與新婚太太都有出席，修哥見到對方馬上恭喜說：「恭喜！恭喜！最緊要三年抱兩，生一個政府獎勵二萬蚊，記得提握機會生多幾個！」
四名曾孫陪太公切蛋糕又唱生日歌，伍仲衡負責伴奏之餘更即席為修哥獻唱，修哥話：「真係好驚喜，佢哋瞞住我一早話今日唔好約人，我以為幫小朋友慶祝考試成功，完全冇諗到原來我先係主角。」曾孫Shanice、Herbert、Curtis、Amber齊齊祝太公身體健康，修哥話：「好開心，估唔到佢哋咁有心，拎利市錢出來幫我搞派對，我要封大利市多謝佢哋。」
修哥表示今年生日好多節目，個個朋友都為他慶祝生日，食了很多蛋糕和壽包，之前一晚去聽黃凱芹演唱會，更獲全場觀眾為他唱生日歌，結果全場觀眾齊齊為他唱生日歌，惟有唱首《情花開》回敬大家的心意，問他還會不會再開演唱會？他說：「會！有人請我一定唱，我都想同大家開心聚下！」
