被家姐撞親的Sucy摸着額頭想喊，但家姐已在大喊。
正在馬來西亞拍劇的
李璨琛，早前獲老婆Sophia帶同大女李元元（Lucy）到來探班，兩母女亦已回港。今日Sophia在社交網上載6歲的Lucy跟歲半細妹李斐斐（Sucy）玩耍片段，其間家姐太興奮後腦枕撞向阿妹額頭，阿妹被撞到額頭紅了正想喊，但被家姐搶先大喊，嚇得阿妹走前望向家姐視察情況。
李璨琛這一家搞笑又有愛。
大喊的家姐被阿媽召喚過來錫錫，阿妹亦走向家姐，不停安慰家姐嘟嘴錫錫。單看片段，大部分的網民都覺得「明明係阿妹傷啲，點解個家姐仲要喊大聲過妹？」就連阿爸李璨琛都留言：「家姐喊得咁假嘅，阿妹好似傷過佢喎」！
阿媽亦有回覆老公：「你唔好忘記你個女生倒刺都痛到喊」，不少網民仍然覺得「李老母好明顯好撐Lucy」，但其實阿媽太了解兩個女的性格，正如她留言：「雖然妹妹成日都好周星星同學，但係佢都好愛家姐。原來佢突然間逃走係去攞紙巾比（俾）喊緊嘅家姐，仲係咁連番豬嘴錫返家姐！ #相親相愛 #其實好似阿妹仲傷啲 #不過阿妹成個生番咁又唔怕痛又唔怕跌」，當中最重要一點，是兩姊妹「相親相愛」！
阿妹額頭紅了，但仍不停錫錫家姐，兩姊妹相親相愛。
