[caption id="attachment_347132" align="aligncenter" width="1993"] Frankie跌落台下即翻身。[/caption] 三十歲dancer變MIRROR 成員的Frankie，今次演唱會獨得黃金機會有個人talk show時間，今晚（26號）MIRROR 演唱會第二場，在剖白隱形人如何煉成時，講到差錯腳跌落台，仲成個瞓低咗，不過佢好快就起返身，即刻話「sorry啊 ！要大家擔心我」，仲掹講無事同唔好意思，之後佢話「我safe啲，企定一格講嘢。」粉絲為他歡呼加油。 其實今次演唱會機關重重，睇到好多個升降台搖搖吓唔多穩陣，MIRROR真係要執生，打醒十二分精神啦！ Franki @MIRROR後台報告傷勢，見他左手前臂位置，目測由手㬹到手背刮損了一條長長的傷痕，起了皮，他同大家講：「令到大家擔心sorry，講得太入神😅只係擦傷咗啲啫，我福大命大㗎！」