新晉女團COLLAR繼首支團歌《Call My Name！》成功推出後，上周推出第二支團隊單曲《Never-never Land》，歌曲以白日夢世界為主題，曲風輕快、帶小清新感覺，而新曲MV於昨晚（23/03）首播，8位成員Marf（邱彥筒）、Gao（沈貞巧）、Day（許軼）、Soching（蘇芷晴）、Candy（王家晴）、Winka（陳泳伽）、Ivy（蘇雅琳）及Sumling（李芯駖），在MV以背心、短裙、露腰裝上陣，散發青春氣味，與《Call My Name！》的酷爆形象完全不同，又做出趣怪、奇特的表情，本色演繹，展現最貼近真實一面。Soching笑言今次MV難得可以做自己：「唔使擺甫士，可以做自己，好難得可以咁做，平時出嚟要型、要靚，今次係最真實，甚至乎有樣衰一面俾大家睇。」
COLLAR在MV中的穿著份外清爽，部分成員更露小蠻腰，Sumling便為今次拍攝努力做Gym，而向來為食的Ivy亦跟大家分享低卡零食，Candy自言很少以清爽造型示人，這次的衣著對她來說是一大新嘗試：「如果唔係拍MV，未必有咁機會着出街，一直都想試穿吊帶裙，今次終於試到，好開心。」
MV其中一個鏡頭要到草地拍攝，COLLAR即成為蚊子的大餐，Soching因穿着涼鞋的更不慎誤踩蟻竇，令腳部又痕又腫，她說：「平時見昆蟲都會崩潰，不過拍嘢盡量唔想呈現呢一面，但嗰刻真係搞唔掂，想喊出嚟。」
第一首歌《Call My Name！》成績理想，COLLAR今次再推出新歌《Never-never Land》，認為不會有壓力，Marf表示：「得到支持當然開心，但上次出歌都冇話要達到一個咩成績，比起成績，今次出歌希望平靜大家嘅心情，令大家聽呢首歌會覺得舒服、諗番啲開心事情出嚟。」若下次再拍MV，眾人異口同聲指希望跟經理人Wing合作。
