錢嘉樂平日工作好忙，難得趁萬聖節前陪一對寶貝女到主題樂園遊玩，大享家庭樂。嘉樂同老婆湯盈盈帶住大女細女，由日頭玩到天黑，最後當然要看放煙花。小朋友精力過人，錢嘉樂身為武師，體力當然強勁，但玩足一日，最後細女仲要騎膊馬，老父一邊氹囡囡：「你坐多One Month啦，OK？」一邊忍不住呻「好攰」！
一家人開心遊玩，拍了不少相，全家福外，嘉樂不停捕捉女兒歡樂時刻，為兩個寶貝女拍得更好角度，跪埋地都在所不計，果然是好爸爸！
