李璨琛（Sam）的3歲囡囡李元元（Lucy）精靈又搞笑，為網民帶來不少笑料。Lucy媽媽梁志瑩（Pae）今日在IG分享Lucy爆喊的片段和相片，她指Lucy今早起牀後，頭髮未梳、牙又未刷，就靜靜雞去偷糖食，結果被她斷正。Lucy當場淚如雨下，企圖以眼淚攻勢博得媽媽的同情，讓自己得以蒙混過關。Pae笑說︰「重點係嗰兩粒糖全程緊握手中，死都唔放。喂，大佬，不如你都梳下個頭先啦﹗」網民也替Lucy感到心痛，「都係想有一個sweet morning姐，點解老母你要咁殘忍」、「Lu大個睇返你咁影佢，會唔會同李老母脫離母女關係」，亦有人表示見到Lucy哭覺得心痛又覺得很好笑，「我望住佢喊笑到震添，點搞」。
圖片來源：李元元@Instagram