成為港產AV女優第一人的素海霖，以藝名絵麗奈Erena進軍日本，上周五（31日）處女作面世，真身見人引來話題，IG人數由幾千暴升至過20萬，有人說她是香港之光、有人睇完俾嬲嬲，素海霖照單全收。衝出香港，她坦言：「冇諗過咁大迴響！始終覺得做任何一個事業都好，冇可能一嚟就成功！」視拍AV為事業，但要脫清光拍「動作戲」，26歲女內心掙扎過，最難過的心理關口，始終是家人。身為家中獨女的素海霖，自接拍AV的消息曝光後，她沒有再與父母聯絡，斷聯近一個月，不知道怎樣面對。幕前赤裸人前的她，訪問這天說起家人，收起坦蕩蕩本色，「我個人比較鍾意逃避……甚至我唔會奢望佢哋去體諒我囉！」
下海AV界，素海霖說：「第一，希望突破自己；第二係之前有個男朋友同我講過，發現我真係好鍾意做愛，我覺得既然咁鍾意，不如將佢變為一種事業，我覺得會容易成功。每一份工作都會有令你唔開心嘅位，但呢份工作，我覺得滿足感大於唔開心。」金錢亦是重要因素？她直接說：「如果話唔係為錢就呃你啦，有邊份工唔為錢？佢嘅酬勞未必係非常之高，如果我淨係為錢，我一定唔係走呢條路；其實每一份工，你一定係為錢先去做，就算你幾熱愛一份工都好，如果佢冇人工，試問你又會唔會去做呢？我覺得唔會囉！」酬勞數目多少？「我覺得合理同舒服，未至於好可觀，始終日本人工同香港人工唔同。」說穿了，AV女優都與一般打工仔無異！
接拍日本AV前，其實素海霖已經自設Patreon「賣相」，她更進一步為「事業」拚搏，自知未有香港女仔做過AV女優，一開始她是寄電郵自薦給AV廠商，當然石沉大海，「第一次失敗咗亦都冇回應，之後沉澱咗一個月，始終我好想去做呢樣嘢，因為之前冇人做過，試下搵台灣嗰邊幫手，我覺得台灣呢方面發展得幾成熟，亦同日本AV界有密切關係，又膽粗粗去send email！」經台灣公司搭路，素海霖終獲日本AV廠牌FALENO睇中，成為旗下首位海外猛將。
「我始終都係佢個女」
素海霖去年到日本開機，日踩12粒鐘連拍兩集，率先推出的第一集，分別與三男對戰，頭場與日本AV界知名男優清水健合演，「我覺得好似普通拍電影一樣，唔會有得俾你揀對手，一個專業演員無論對方係乜人，都要做好自己，只不過有少少唔同，唔會多角度要你重複做同一個動作，因為佢一鏡到底去做。生理上就係希望唔好『嚟M』，『嚟M』可能會影響到工作，另外始終係同一個陌生人去做愛，唔係咁容易！我本身都有睇過清水健先生作品，事前亦有睇過YouTube佢嘅訪問，我覺得佢個人好幽默，我幾欣賞佢！」
畢竟拍AV不如現實，作風更開放的素海霖都有掙扎過，「我覺得一定要踏出呢一步，唔可以臨陣退縮，當然有動搖過，但係一瞓醒就堅持返！」最難過的心理關口？她說：「係屋企人。就算日本咁多人發現自己仔女去拍AV，都唔接受㗎，何況香港得我唯一一個，同埋香港咁少人，一定知囉！」身為家中獨女的素海霖，自言與父母關係一直都不差，但很早已習慣獨立，由她決定拍日本AV的那一刻，她已經搬了出來自住，3月15日宣布成為日本AV女優至今，她與父母都沒有聯絡過，「我覺得咁樣係好事，因為大家都未係時候（聯絡），我甚至唔會奢望佢哋去體諒我囉！老實講，就算我將來仔女咁樣做，我都未必一時三刻可以理解佢點解要咁做！」
問她估計父母的反應如何？她坦言：「一定唔鍾意囉！」你沒有打算找他們？「可能關我個人性格事，我比較鍾意逃避，覺得依家去聯絡真係未係時候，冇可能咁快要對方接受。就算佢哋接受唔到，我始終都係佢個女，我會做返我做女嘅本份，照顧佢哋。」如果父母真的不想你行這條路？素海霖說：「已經行咗，冇得唔想！」問她有什麼說話，想對着鏡頭向父母說？「暫時真係冇嘢想講，我覺得用言語去說服一個人係好難，不如用行動，就算我行呢條路都好，我其實個人都冇變到，亦都係佢哋嘅女兒，我會盡最大努力去照顧佢哋。」她再說：「俾着係我，我都未必接受到，所以我覺得要用時間去沖淡！」
AV之路不易行，素海霖說，聽過最難受的說話，是別人說她走頭無路才去拍AV，「如果我走投無路，我都唔需要拍AV啦，其實有好多選擇，如果要揀，有好多外面嘅誘惑或者選擇，我都冇去選擇，我都堅持自己底線同原則！例如賣相，啲人都會話我係雞，我拍咗AV算有少少貢獻大家，無論男定女都會去睇，亦可以從中學習，當然睇你用咩角度去睇，目前為止啲人都會覺得我係雞，或者好隨便囉！」
以往嘅愛情都唔健康
有冇人提出過性交易或者包養要求？素海霖笑說：「咁又冇喎！點解會冇嘅呢？」接受被包養？「其實我覺得有啲嘢好模糊，如果我同一個一齊咗嘅男朋友，佢話俾錢我，咁算唔算包養呢？」她坦言：「錢，我自己都搵到暫時，如果有一日我搵唔到（錢），我可能會答會（接受包養），但我唔會俾呢一日發生。」回答得坦白直接又帶點腦，素海霖有點娜姐周秀娜初出道時的姿態。
說到愛情，素海霖說：「最深刻或者最愛係兩個男朋友，其他都係過眼雲煙，雖然有認真過亦都有沉船過，但分咗手之後，我就會放得低。我以往嘅愛情都係唔健康，可能關我本身缺乏安全感，亦唔相信人，我覺得要經歷唔健康嘅愛情，先會成長，早啲經歷，好過遲啲輸唔起嘅時候去經歷。」怎樣是不健康的愛情？「我覺得愛情，應該搵一個令你開心多過唔開心嘅人，同佢一齊可以做返自己，亦都增加自信嘅人，而唔係身邊一個不停去貶低你，令到你懷疑自己，擺低自己地位。嗰兩個最深刻，未必係令到我性方面最舒服，係佢對我最好嘅人，其實好難有一個人持續對你好，我覺得嗰兩個男朋友對我嚟講，最深刻亦係最愛。」
素海霖的前傳，原名蘇凱琳，早在她20歲時以藝名蘇浵簽約大名娛樂入行，恢復自由身後，2021年再以本名演出電影《#PTGF出租女友》，她坦言少女時代不懂珍惜機會，「老實講，我咁細個其實一定未知自己方向，而且加入呢間公司係機緣巧合之下，一個朋友介紹我casting中咗，我諗住試一試。嗰時性格比較麻煩，試過『放飛機』亦都會遲到，我俾人鬧過，但嗰陣依然都會咁樣做。我覺得呢個係好好人生經歷，經過咗一段時間之後，我真係去改變自己，所以都好多謝舊公司。」
如今踏出了AV之路，雖有負評，但亦遇到不少暖心又搞笑的事情，「依家社會風氣有少少唔同咗，之前有啲女仔喺IG同我講，佢話買隻碟俾老公，或者買隻碟俾男朋友，我覺得好難得，竟然有香港女仔做到；有個仲話要送俾上司添，佢就離職，話會當散水餅咁送俾自己上司，我覺得好搞笑！」想搵個好男人嫁人上岸嗎？「如果我真係想搵個好男人嫁咗佢，我一定唔會行呢條路，始終會減低人哋揀你嘅機率，對我嚟講，我一定要靠自己努力搵錢，先可以要求另一半有經濟能力。」問到想與那位男明星合作？她說：「梁朝偉同周星馳。比較高難度，但係想啫，想下唔使錢！」關於未來大計，素海霖肯定的說：「我唔會放棄AV！」4月20日將推出DVD版，另外第二集不日面世，簽名會希望可以在5月舉行，素海霖靠自己孤身走AV之路。
髮型、化妝：Cosette@eyemakeup
場地提供：Petticoat Lane
