Sophia續說當時情況：「我老公同我講佢（指Lucy）撞凹咗個櫃我當佢講笑，然後佢好認真咁同我講佢認真。未睇個女傷勢實在係忍唔住笑到震住出廳看過究竟，feel到我老公好似係有一刻嬲我仲喺度笑，我知道我唔應該笑，但心裏不停諗我個女個頭真係有咁硬竟然可以撞凹個櫃，個鐵頭冇爆其實真係好好彩。」Sophia更笑謂：「李元元出年東華表演一定要預埋你，衝力射頭，貼塊膠布佢即刻覺得自己係冇事嘅」！
網民都戥Lucy痛，大嗌「陰公豬」，「嘩，元元好陰公豬，feel到家姊仔好痛，難怪老竇個樣咁凝重，肉痛死！」並提醒：「之後會變熊貓眼，啲瘀血會喺眼睛血管流走」、「記住要去醫美，我有朋友都係咁細個撞到門，長大後有明顯疤痕，一定要及早看醫美」。
