MC張天賦日前於中環酒吧舉行新歌神秘派對，向大家介紹他首次獨力作曲的新歌《百萬大道》，亦首度演唱其最新專輯的歌曲《September with you》及《Butterfly》。
今次新歌MV由頭Chok到尾有玩結他、扮揸車、玩啤牌籌碼的畫面，MC坦言未必是他最輕鬆的MV，並謂：「今次MV最困難嘅地方係喺服裝，一來有好多有窿窿嘅衫，所以喺行嘅時候要好小心，而且都要佩戴好多首飾，其實條頸都幾重。」
MC自三月推岀第三張個人專輯《Treble》後一直久未露面，原來一直默默努力作曲，向作曲人進發！他說：「嚟緊可能會有3至4首歌會Keep住面世，一來都希望可以趁住演唱會帶到呢啲歌俾大家聽，而且呢啲歌曲好大機會係由我自己去作曲，希望大家可以期待一下，不過當然除咗新歌之外亦都可能會有電影啦、演唱會啦，所以都會有好多見大家嘅機會！」