「樂壇教父」Uncle Ray（郭利民）上月13日離世，享年98歲，其喪禮於今天（23日）在香港殯儀館舉行，採用天主教儀式，布置以白色簡潔為主，靈堂中央擺放他的彩色遺照，正前方有摯愛花牌，其中契仔兼助手周舜河的心形花牌，左方展出Uncle Ray的遺物，包括MBE勳章、銅紫荊星章和銀紫荊星章、帽子、唱片以及剪報等，現場還播放Uncle Ray生前片段。
有份擔任Uncle Ray治喪委員會副主任之一的歌神許冠傑（Sam），於下午近3點40分，由張文新、周舜河和周國豐護送下，離開殯儀館。Sam表示：「好傷心呀，因為以前成日一齊夾Band。」
到場弔唁的演藝及政界人士，包括財政司長陳茂波、鄭東漢和鄭中基父子、區瑞強、陳欣健、車淑梅、李志剛、泰迪羅賓、關楚耀爸爸關維麟、俞琤、露雲娜、Joe Junior夫婦等。
治喪委員會成員鄭東漢受訪時稱：「多謝大家對Uncle Ray嘅愛戴，佢係我哋非常大嘅光榮，佢帶俾香港好多歡樂，尤其係喺我哋嗰一代，幫咗我哋好多。」鄭東漢續謂沒有扶靈儀式，Uncle Ray明天（24日）出殯後，遺體會移送火葬場火化，骨灰將按照他生前意願安放在家。至於其遺願，契仔周舜河說：「契爺98歲，基本上乜都做晒，遺願係搞掂呢幾日，可以回家真正安息。」
鄭中基以前經常跟Uncle Ray食飯聚會，大讚對方是個開心果，經常滿面笑容：「我哋最喜歡一齊講笑，笑到收唔到聲，好記得佢講過，有次佢家姊煲西洋菜湯，佢打算攞筷子夾起一箸菜嚟食，點知夾起咗一塊百潔布。我覺得自己嘅風趣幽默，唔多唔少係受佢感染。」鄭東漢指當年組合的Playboy樂隊，曾經寫信給Uncle Ray，結果獲對方邀請上電台見面，從此交流不斷。
區瑞強感激Uncle Ray的賞識，當初將他介紹給唱片公司，才有機會在唱片、音樂、電台界打滾50年，又說：「過去40、50年，我同Uncle Ray喺電台日見夜見，個個都叫佢做契爺，我嘅終生榮幸就係得到佢叫我做契仔。」
另外，許冠傑、譚詠麟與杜麗莎拍短片悼念Uncle Ray，許冠傑在片段中說：「Uncle Ray係我一生嘅摯友同老師，對佢嘅離開我十分哀痛。Uncle Ray對香港音樂界係非常重要，係推動香港音樂發展嘅重要人物，佢嘅離開，係香港音樂界嘅一大損失，希望佢嘅家人節哀順變，Uncle Ray喺天國繼續佢精彩嘅音樂世界。」Sam說畢即自彈自唱幾句英文歌，並說：「We Love You,Uncle Ray~」。
譚詠麟說：「Uncle Ray係教識我哋音樂嘅品味，我哋成班溫拿喺早期聽嘅英文歌，全部喺佢度學返嚟，同埋佢嘅節目俾我哋好多歡樂，多謝你！」杜麗莎則以歌聲悼念。
