小弟試過全副身家得一張八達通，入邊仲要得廿蚊，又試過一個月收入超過七位數，見盡人情冷暖，但總括是活得非常精彩好玩，希望與大家分享小弟一些少少人生經驗！
高興在這裏與大家分享關於如何透過自主理財實現女性自我價值～
財富！而家越來越男女平等！財富係咪淨係關於搵錢咁簡單？財富最緊要系令你有型！咁樣什麼先知叫有型？有得揀咪叫有型囉～
今次想先開始同大家分享管理金錢其實有五個層次，排序由無錢到有錢，分別是：
1）搵錢 （第一步梗係搵錢先啦），搵錢呢個字聽落好似有啲多餘，但其實內裏暗藏好多哲學，最簡單直接當然打一份工。
小弟十幾年前有幾年銀行工作經驗，由於我一早已經認清自己想盡快財務自由，然後實現自己理想，所以只是打了幾年的銀行工作，然後便炒了成間銀行魷魚，同自己講以後唔會再打工！除了工字不出頭之外，嗰種工作環境，每分每一刻都在別人設計的系統為別人（即老闆）獲取最大價值，呢個感覺先至最糟糕！（雖然社會系統都是由別人設計，呢個話題遲啲有機再講）
因為富人同窮人最大分別就係在於思維，不在於資源，因為資源是公平的，而所有資源當中最值錢就是時間，只有時間是你用多少金錢都買唔到。
富人的時間會用於建立系統，透過系統收益獲得酬勞，窮人的時間會用來換取酬勞（即是賣時間，收取時薪月薪等）
而建系統同賣時間最大分別，在於你會有多少收入是你不投放時間都仍然收取的？很多人工作30年，當停止工作便停止收入，其實有啲唏噓，最好的青春為公司老闆創造價值，到頭來只係得少得可憐的強積金～ 值得嗎？
搵錢這個話題之後會慢慢討論，今天先打個招呼做個大綱，第二個步驟就是：
2）理財分析（有些收入計數，由需要出發，理財金字塔）
3）財富管理（儲咗小小錢，然後錢搵錢）
4）資產組合管理（財務自由，錢開始多，到要分門別類，分散投資）
5）家族辦公室（富豪家族管錢的神秘面紗）
如果你是以上其中一個階段，恭喜你！希望日後的資訊可以幫到你；如果你什麼都沒有，從零開始，也都恭喜你，因為跟住呢個步驟，你便可以一步一步邁向成功！
記住！理財不是為錢！是為咗選擇，為咗有得揀！為咗型！
Dave Lee 簡介：
擁超20年的金融行業經驗，暑期工由銀行櫃位職員（Teller) 開始，由見證一張張現金在我手流動、到幫客戶管理財富百萬/千萬/億元財富、到營運過百人的財富管理團隊、到真金白銀投資經營生意；由負債過百萬到財務自由！一路走來經歷人生高低，風光及唏噓，但盡是滿滿的快樂及滿足感～
