「男人三十一枝花，女人三十爛茶渣」，不知從何時起，女人就被灌輸三十歲就是人生的分界線，由少女步入中女，代表不再年輕、初老、輕熟等貼上各種標籤，連「30」頓成禁語，要說「29 + 1」，彷彿女人沒在賞味期限內做到完成「該做的事」，達不到社會標準，便沒幸福可言。對於這班將踏入、或是正值三十的KOL，最擔心的是什麼呢？
鍾雪 @chungsaid
「最驚冇飯開⋯⋯進食維持美麗生命！三十歲不可怕，三十歲就要死了才可怕。」
Coco Chan @coco_cwt
「三十歲，我最擔心找不到方向。三十歲，過了人生三分一，應該也是時候要知道自己的方向和目標：要在職場上拼搏？要跟伴侶築個安樂窩？還是要去追隨夢想？最擔心也許是在這個關口依然迷茫著自己想做些什麼，要做些什麼，每天過著漫無目的行屍走肉的生活，活著並非生活著，這大概是三十歲時最不希望看到自己的模樣。」
Cathy Chek @cathychek
「三十歲，我最擔心健康，因為心態上無乜特別改變，過咗三十歲反而更加好，但身體機能真係會feel到唔同咗，明顯知道自己老咗。因為我有打波，以前打完一場好甘嘅，可能抖一、兩日就無事，但過咗三十日真係恢復得較慢，同埋啲紋都多啲！」
童靖文 @yuki.tung
「三十歲，我最擔心嘅應該係自己嘅熱誠會唔會減退。感覺上三十歲之前有好多嘢都仲可以為所欲為，想唱歌就唱歌，想拍戲就拍戲，仲係處於未洗煩惱交租或者部份金錢上嘅問題，除左應付日常開支，就係追夢，覺得如果唔趁後生做想做嘅野，仲等幾時，同時亦會諗到三十歲後需要考慮經濟壓力，家庭基礎嘅時候，對於而家嘅興趣或者追夢，熱情會唔會減退呢？」
Zoe Chan @zoe_normalchic
「有時去到一個樽頸位，就係好容易甘於平淡，因為所有嘢都開始上軌道，有陣子就會唔夠膽去試新嘢，唔夠膽創新或者會留喺自己嘅comfort Zone，所以我都希望自己就算三十歲做咗人阿媽都好，仍然有一種生命嘅衝勁同動力去面對新挑戰，即使過多十年、二十年，仍然覺得生命係有趣、新鮮嘅，而唔係平淡無奇。」