今日繼續講「搵錢」，得兩條路：一係打工一係做生意，又係呢啲話題，有冇第三樣嘢？
我這裡教你邁向財務自由，甚至邁向富豪行列，利申：我仲未係富豪(喺我心中富有最少十億資產淨值， 但我可以肯定會同你一齊行呢條路，如果你都想）
當你乜都冇，其實乜都唔使諗，做乜都好，用所有方法先儲到六個月生活費，因為一個生活在香港的人六個月生活開支是最基本的應急錢，有乜事俾人炒魷，認真搵工六個月內點都搵到。還有呢六個月的應急錢有一個好緊要的用途，就係買一個選擇權或自由。
我15歲開始打工，第一份工作是在Uncle 的旅行社做打雜，當時沒有網上訂機票，一些大公司的高層要去不同地方開會，坐商務艙一次過飛幾個國家，當時就需要去旅行社「出飛」，我嘅職責就係「送飛」畀客。由於沒有理財意識，我基本上是月光族，所以沒有選擇權，必須一直為錢工作。
那究竟什麼是打工及做生意的結合體？講到咁勁又可以躺平又有錢收？
答案就係……你要建立「自動化系統」。如果你係打工仔，要脫離呢個無限輪迴的「老鼠圈」，你就必須建立一個為你帶來正面收入的系統，長遠來說當系統的收入大過你基本支出，你已經達成財務自由第一步。即是你可以何時何地選擇炒你老細魷魚，諗起都爽。
其實做生意最需要的不是「本錢」，好多人覺得冇錢點做生意呢？試問吓如果古天樂出嚟話要做個男士洗頭水，你估佢需唔需要俾錢？所以做生意不是講你有多少錢，而是你能為這個生意付出多少價值，包括人際網絡、銷售技巧、系統建立、供應鏈上下游資源……等等
講返如建立一個系統，如你是打工而又不放棄現有工作，可以用工餘時間去建立這系統，我建議最好零成本開始，最簡單就是賺差價，再簡單啲即是做sales，網上銷售又得，淘寶訂貨包裝好再賣出去又得，考個地產牌又得，保險又得，傳銷賣健康產品等等都得，慢慢累積人脈網絡資源。做生意最驚不是蝕錢，而是唔賺唔蝕一路吊住條命消耗你意志，日諗夜諗萬一唔夠錢交租唔夠錢出糧點算，所以如果冇做生意經驗，最重要是用時間換取你的資本，冇壓力地累積。
有關建立系統慢慢再講，所以頭先講嗰個六個月的生活費，就是你開始建立系統的「底氣」，你準備好了嗎？